7 Dhjetor, 2020
Gjashtë murale që paraqesin mesazhe për të drejtat e njeriut dhe sundimin e ligjit
Projekti “Të Rinjtë për Drejtësi” ka përquar mesazhe për të drejtat e njeriut, sundimin e ligjit dhe qasjen në drejtësi përmes gjashtë muraleve në gjashtë shkolla të mesme në rajonin e Prishtinës, Gjakovës, Pejës dhe Ferizajt gjatë muajit nëntor 2020. Muralet e drejtësisë japin mesazhe për të rinjtë për rëndësinë e së drejtës, për të pasur qasje në drejtësi dhe për t’i inkurajuar të rinjtë për të kërkuar drejtësi. Me miratimin e projektit, kompania që ka realizuar muralet ka zgjedhur shkollat ku do të vendosen muralet duke marrë parasysh vendndodhje që ka një shikueshmëri më të gjerë për studentët dhe qytetarët tjerë.