Eksperienca ime si monitoruese në seanca gjyqësore
Eksperienca ime si monitoruese në seanca gjyqësore ka qenë e shkëlqyer. Gjatë ndjekjes së seancave e kam parë se si zbatohet në praktikë ajo çka ne e kemi mësuar në teori.
Çdo ditë kur shkoja në gjykatë para se t’ia niste seanca gjyqtarët dhe prokurorët e seancave në çështjet penale përgatiteshin paraprakishit lidhur me lëndën. Pastaj, gjatë seancës gjyqtari gjithmonë i informonte palët për të drejtat e tyre, edhe pas leximit të aktakuzës i pyeste palët a e kanë kuptuar aktakuzën dhe nëse kishin nevojë për sqarime.
Sipas meje secila palë që paraqitet në gjykatë duhet të përfaqsohet nga avokati , sepse avokatët janë jurista dhe si të tillë i njohin mirë procedurat gjyqësore për dallim nga qytetarët që nuk e kanë përgatitjen e duhur.Prandaj do të ishte mirë që palët në procedurë gjyqësore të përfaqsohen nga avokatët.
Gjatë monitorimit të seancave më shumë kam ndjekur çështje të natyrës penale, dhe aty kam parë se me çfarë probleme përballet shoqëria
Po ashtu edhe cështjet nga lënda civile kanë qenë interesante, dhe ne si shoqëri kemi një rrugë të gjatë para për t’u vetëdijësuar dhe për ta përsosur sistemin e drejtësisë.
Kjo mundësi që më është ofruar nga YIHR KS për të marrë pjesë në seanca gjyqësore do të më ndihmojë shumë në të ardhmen, sepse tashmë e di se si zhvillohet një proces gjyqësor dhe se çfarë përgjegjësi mbajnë stafi gjyqësor e veçanërisht gjyqtarët.
Ardita Bytyqi